fæðingar- og foreldraorlof.

Herra forseti. Þakka þér fyrir, hv. þingmaður. Ég er algerlega sammála þér. Það er mjög brýnt að brúa þetta bil. En það er talið vera rétt skref í skýrslunni að gera þetta með þessum hætti. Síðan þurfum við að leggja út í vinnu við að lækka inntökualdur á leikskóla niður í 12 mánuði. Það er hins vegar gríðarlega dýrt. Hver mánuður fyrir hvert barn í leikskóla kostar sveitarfélag 18 þús. kr. Það munu sveitarfélögin aldrei ráða við án aðkomu ríkisins. Það er því spurning á hvorum endanum á að byrja. Það geta verið skiptar skoðanir um það en ég held að þetta sé ágætisskref í byrjun. Síðan skulum við sjá til hvort við lengjum orlofið í 16 mánuði eins og Svíar eða hjálpum sveitarfélögum að lækka aldur leikskólabarna niður í 12 mánuði.