upptaka samræmdrar vísitölu neysluverðs.
Hæstv. forseti. Ég þakka hv. þm. Gunnari Braga Sveinssyni fyrir spurninguna. Það er eðlilegt að spurt sé og gott að fá tækifæri til að segja það hér að þvert á móti er fullt traust til staðar á hæstv. fjármála- og efnahagsráðherra. Þetta er þingsályktunartillaga og eðli slíkrar tillögu er að fá þingið á bak við umrætt mál hæstv. ríkisstjórnar. Ég tel að styrkur sé í því, þegar við fáum fram í stjórnarsáttmála fyrirætlanir hæstv. ríkisstjórnar, að kanna hug þingsins til þess og fá vonandi fullan stuðning þingsins á bak við það; það er styrkur í því að fylgja því þannig eftir. Ég held að það verði stuðningur við hæstv. ríkisstjórn ef það næst. Þess utan erum við hér, flutningsmenn tillögunnar, að sýna okkar hug í þessu máli. Það er því ekki hægt að lesa úr málinu eitthvert vantraust á að því verði fylgt eftir, heldur þvert á móti.