almenn hegningarlög.

Virðulegi forseti. Ég tek undir það og ég dáist að því að hv. flutningsmaður sé opin fyrir því að frumvarpið kunni að taka breytingum, að það þurfi að fara í þá þinglegu meðferð sem fram undan er. Ég hef líka skilning á þeim sem hafa komið hingað upp og bent á þetta varðandi refsirammann, hvort þetta sé rétta staðsetningin. En ég tek líka undir það sem ég hef heyrt hér í umræðunni — ég veit svo sem ekki hvar annars staðar þetta ætti að vera — um jafnréttismál, um jafnrétti kynjanna; þegar við erum á einum stað að banna umskurð á stúlkubörnum, hvort drengir eigi þá að vera undanskildir. Ég tek undir það. Mér finnst mörg sterk rök hníga í þá átt að rétt sé að hafa þetta með þeim hætti.