um fundarstjórn.

Hæstv. forseti. Mig langar að leita ásjár forseta. Þannig er að ég hef á þessu þingi lagt fram allnokkrar fyrirspurnir sem varða þjóðarhag. Ein sú fyrsta, sem ég lagði fram um miðjan febrúar til hæstv. fjármálaráðherra, var um innflæði erlends áhættufjármagns til Íslands.

Þeirri fyrirspurn hefur ekki verið svarað og ég minnist þess ekki að hafa heyrt af forsetastóli beiðni um frest til svars við henni. Það kann að vera að það sé misminni hjá mér og ég er kannski ekki hér við upphaf allra funda. En mig langar til að biðja hæstv. forseta að ganga eftir því hvort ekki sé hægt að fá þessari fyrirspurn svarað því að það ríður á miklu að svarið komi fram áður en þingstörfum lýkur og áður en við tökum okkur hlé vegna sveitarstjórnarkosninga. Því bið ég forseta góðfúslega um að ýta á eftir því við hæstv. fjármálaráðherra að svar berist við þessari fyrirspurn.