148. löggjafarþing — 68. fundur, 5. júní 2018.
gerð áætlunar um stafræna endurgerð íslensks prentmáls.
219. mál
Virðulegi forseti. Vissulega, en til að gera þetta aðeins skýrara: „sem er ekki markaðsvara“ — það þýðir einfaldlega allar þær bækur sem eru komnar í almannaeign, höfundaréttur útrunnin. En það sem tölvan lærir þá er gamalt mál. Ég get ekki útskýrt það frekar. Þá erum við með tölvur sem tala við okkur á 70 til 100 ára gömlu máli. Málið þróast og við þurfum einfaldlega að taka tillit til íslenskunnar eins og hún er í dag og á morgun.