afgreiðsla máls frá Miðflokknum.

Hæstv. forseti. Ég þakka fyrir það að hæstv. forseti skyldi draga úr hatti sínum tvo málshætti og spakmæli fyrir okkur þingmenn og langar að svara honum með tveimur. Sá fyrri er þannig: Þolinmæðin þrautir vinnur allar. Ég trúi því að við getum unnið okkur í gegnum þetta mál og þennan dag með þolinmæði og þrautseigju. Hinn málshátturinn er hins vegar: Oft er gott það sem gamlir kveða. Sem gamall maður ætla ég að beina því enn einu sinni til forseta að hann hlutist nú til um að gert verði hlé á fundi, að fundað verði með öllum hlutaðeigandi, að forseti gefist ekki upp fyrr en í fulla hnefana við að ná hér samkomulagi sem allir geta sætt sig við þannig að við getum lokið þingstörfum með sómasamlegum hætti.