vextir og verðtrygging.

Virðulegi forseti. Það eru margir hérna inni sem hafa kannski aldrei þurft að hafa áhyggjur af lánshæfismati, hafa aldrei haft áhyggjur af því að þurfa að finna húsnæði á leigumarkaðnum, hafa kannski ekkert sérstaklega miklar áhyggjur af afborgunum af lánum. Það er miður. Við þurfum að fjölga slíku fólki inni á þingi þannig að það endurspegli betur þjóðina.

Þetta er auðvitað viðkvæmt mál og á sér langa sögu. Staðreyndin er samt sú að Ísland er ekki eins og Ísland var árið nítján hundruð áttatíu og eitthvað þegar þessi lög voru sett. Við þurfum að horfast í augu við að verðtryggingin getur ekki varað að eilífu. Það er ekki sanngjarnt að lánþegar axli alla byrðina. Við þurfum að horfa fram á við, þurfum að leita lausna. Það eru til ýmsar lausnir.

Ég styð að þetta mál fari í atkvæðagreiðslu. Það eru margar skoðanir um það innan Pírata en ég er alla vega á þeirri skoðun að þetta mál verðskuldi að við athugum það vel. (Forseti hringir.) Ég myndi styðja að það væri tekið til atkvæðagreiðslu og greiða með því atkvæði.