um fundarstjórn.

Herra forseti. Það er stutt síðan við ræddum hér um vinnubrögð á Alþingi, traust til Alþingis og virðingu. Þá ber svo við að eitt stærsta mál hvers þings, sem er bæði þingmönnum og landsmönnum öllum hugleikið, er kynnt hér; samgönguáætlun var að manni skilst afhent sumum þingmönnum fyrir helgi, aðrir voru skildir eftir í myrkrinu. Það heyrast alls konar sögusagnir um það hvað standi í þessari ágætu áætlun, ekki veit ég það, ég hef ekki séð hana.

Ég spyr, herra forseti: Er það samboðið þeim vinnubrögðum sem við viljum viðhafa á þinginu að kynna stórmál með þessum hætti? Er ekki mál að linni?