fjárlög 2019.

Hæstv. forseti. Ég þakka hv. þm. Ólafi Ísleifssyni svarið. Ég veit að hann þekkir þessi mál býsna vel þegar kemur að hagfræði og hagstjórn og efnahagsmálum. Nú fengum við í hv. fjárlaganefnd kynningu Hagstofunnar á þeirri hagspá sem í raun og veru hratt þeim breytingum af stað sem við erum að ræða hér og þeim ýmsu ráðstöfunum sem þurfti að fara í gegnum. Má segja kannski að launa-, gengis- og verðlagsbæturnar séu stærsti liðurinn í því. Maður veltir fyrir sér ef niðurstaðan í þessari hagspá hefði til að mynda verið 1–2% — nú höfum við verið býsna heppin með það að þetta hefur allt gengið eftir hingað til — en ef hagspáin hefði verið í samdrætti 2%, (Forseti hringir.) hefðum við þá verið alveg naglföst í þessum markmiðum?