veiðigjald.
Herra forseti. Ég vil taka undir þetta. Hvers lags vinnubrögð eru þetta? Hvers lags skilaboð eru þetta frá stjórnarmeirihlutanum um samvinnu og samstarf, hvort sem er í nefndinni eða í umræðum í þingsal? Málið er rifið út í ósætti í atvinnuveganefnd og svo þegar formaðurinn flytur hér breytingartillögurnar og nefndarálit sitt, þá raða stjórnarliðar sér í andsvör. (Gripið fram í: Hneyksli.) Þetta eru alveg skýr og klár skilaboð frá stjórnarmeirihlutanum — um hvað? Um samstarfsvilja? Er þetta sáttatónn? Ég á bara ekki orð yfir þessari framkomu.