veiðigjald.

Hæstv. forseti. Ég þakka hv. þm. Þorgerði Katrínu Gunnarsdóttur og formanni Viðreisnar ræðuna og útskýringar á þeirri breytingartillögu sem hv. þingmaður er flutningsmaður að. Hér á hluti tekna sem stendur undir eftirliti og stjórn fiskveiða að renna í ríkissjóð. Hitt fer í uppbyggingarsjóð landshluta. Þetta eru umtalsverðar fjárhæðir á hverju einasta ári. Kostnaður við eftirlit og stjórn fiskveiða er í kringum 5 milljarða kr. og þá er ekki mikið eftir í ríkissjóð. Út frá ræðu hv. þingmanns og umræðu um 2. umr. um fjárlög er freistandi að spyrja hv. þingmann, hv. formann Viðreisnar: Hvaða skatta mun formaðurinn leggja til að hækka til að mæta augljósum tekjumissi í ríkissjóð?