fjárlög 2019.
Hæstv. forseti. Ég þakka hv. þm. Oddnýju Harðardóttur þessa fyrirspurn. Þetta er sama spurningin og ég fékk áðan í andsvari hv. þm. Björns Leví Gunnarssonar og ég hef í raun engu við það að bæta. Þetta er unnið hér á milli umræðna í samvinnu við hæstv. ráðherra eins og ég fór yfir í ræðu minni. Hæstv. mennta- og menningarmálaráðherra vill endurskoða þessa ráðstöfun og við hyggjumst mæta því með breytingartillögu og fá síðan upplýsingar um það hvernig hæstv. ráðherra hyggst framkvæma þetta hér fyrir atkvæðagreiðslu á föstudaginn.