149. löggjafarþing — 46. fundur, 11. des. 2018.
almannatryggingar.
12. mál
Virðulegur forseti. Ég fagna þessu frumvarpi. Það er einfalt og skýrt, þetta er réttlætis- og sanngirnismál. Við erum að vinna í samræmi við barnasáttmála Sameinuðu þjóðanna þegar við vinnum að því. Við vinnum gegn mismunun barna og það er auðvitað í anda okkar gömlu, góðu stjórnarskrár, sem við viljum þó fyrir alla muni endurnýja og fá nýja. [Hlátur í þingsal.] Þetta er í anda stjórnarskrár sem hafnar mismunun. Vonandi fær það framgang til loka hér í þinginu. (Gripið fram í: Heyr, heyr.)