störf þingsins.

Virðulegi forseti. Lesi maður blöðin eða veffjölmiðla í dag má lesa að fjórir þingmenn séu að stefna öryrkja. Fjórir þingmenn ætla að stefna öryrkja og vilja miskabætur eða einhverja refsingu. Ég er kominn hingað upp í þetta púlt til að lýsa yfir hneykslun minni. Mér blöskrar þetta framferði, mér blöskrar að fólk sem er með margfaldar tekjur á við þennan einstakling hópist saman gegn þessari einu manneskju og krefjist refsingar. Nei, það er sýnt að þessir menn hafa hvorki manndóm né kjark til að biðjast afsökunar á hegðun sinni eða bara segja af sér og biðjast auðmjúklega fyrirgefningar. Mér finnst alveg ótrúlegt að hugsa til þess að þeim hafi dottið í hug stefna þessari manneskju. Þeir ættu frekar að þakka henni fyrir að hafa kennt þeim mikilvæga lífslexíu.