fjáraukalög 2018.
Virðulegur forseti. Ég vil upplýsa undir þessari umræðu að undanfarnar vikur hefur átt sér stað gott samstarf og samtal um það ástand sem er á heilbrigðisstofnunum víða um landið. Þá vil ég sérstaklega nefnilega bráðadeildirnar á Kragasjúkrahúsunum, á Suðurnesjum, Suðurlandi og Vesturlandi, og hina fordæmalausu íbúafjölgun, samsetningu íbúanna og þeirra hópa sem tilheyra á þessum stöðum.
Ég fullyrði að eftir þessi samtöl og samstarf er mikill skilningur í ráðuneytunum. Velferðarráðuneytið var á fundi velferðarnefndar síðast í gær um þessi mál og hæstv. heilbrigðisráðherra er búin að fullvissa okkur um að komin er af stað vinna við að bregðast við þessu og móta framtíðarlausn í þessum málum. Ég treysti þeirri vinnu og vil gefa (Forseti hringir.) hv. fjárlaganefnd svigrúm til að taka á þessu með hæstv. heilbrigðisráðherra.
Þess vegna segi ég nei.