149. löggjafarþing — 62. fundur, 5. feb. 2019.
fimm ára samgönguáætlun 2019--2023.
172. mál
Virðulegi forseti. Ég þakka hv. þm. Helgu Völu Helgadóttur svarið en ítreka enn spurninguna um borgargjöld á vegum sveitarfélaga til að stýra umferð.
Mig langar að snúa mér að almenningssamgöngum og ætla að byrja á því að spyrja hvort ég hafi tekið rétt eftir því að hv. þingmaður hafi nefnt að flug væri hluti af almenningssamgöngum. Í því sambandi spyr ég: Hvað telur þingmaðurinn að sé ásættanlegur tími fyrir íbúa landsins til að sækja ýmsa þjónustu sem eðli málsins vegna verður aldrei í boði utan höfuðborgarsvæðisins?
