149. löggjafarþing — 62. fundur, 5. feb. 2019.
fimm ára samgönguáætlun 2019--2023.
172. mál
Virðulegi forseti. Ef ég skildi orð hv. þingmanns rétt er í lagi þar sem hún er í minni hluta að leggja fram tillögur sem ganga ekki alveg upp eða eru ekki útfærðar. Það verður þá svo að vera. (HFK: Hlusta. )
Þá langar mig að spyrja út í eftirfarandi setningu úr minnihlutaálitinu, með leyfi forseta:
„Ekki verður annað séð en ríkisstjórnin sé viljandi að setja öryggislega nauðsynlegar vegaframkvæmdir aftar í samgönguáætlun til þess að geta síðan flýtt þeim með veggjöldum.“
Því spyr ég: Hvaða framkvæmdir settum við framar öðrum? Hvaða framkvæmdir hér eru á undan öryggislega nauðsynlegum vegaframkvæmdum?
