fimm ára samgönguáætlun 2019--2023.

Herra forseti. Ég þakka hv. þm. Bergþóri Ólasyni fyrir ágæta framsögu þar sem hann fór vítt og breitt yfir sýn sína á málið.

Hv. þingmaður talar um að við séum að opna á umræðu um veggjöld og það sé óútfært, eins og hefur komið fram. Sæi hv. þingmaður fyrir sér að sú opnun gæti falist í einhvers konar blandaðri fjármögnun í stað þess að fjármagna allar leiðirnar þrjár inn og út af höfuðborgarsvæðinu eingöngu með veggjöldum, eins og vissulega er talað um í ófullkomnu tillögunum? Er einhver af þeim hlutum sem við höfum nefnt inni í myndinni, t.d. sala ríkiseigna, minni afgangur ríkissjóðs sem á móti yrði studdur með hinum efnahagslega ábata, því hann kemur vissulega skýrt inn í bækurnar, (Forseti hringir.) eins og hv. þingmaður fór yfir, sú skuggafjármögnun? Sér hann fyrir sé að næstu vikur og mánuðir yrðu nýttir til að ræða hlutina þannig?