149. löggjafarþing — 62. fundur, 5. feb. 2019.
fimm ára samgönguáætlun 2019--2023.
172. mál
Virðulegi forseti. Af máli hv. þm. Loga Einarssonar mátti skilja að í tillögum meiri hluta umhverfis- og samgöngunefndar fælust breytingar á forgangsröðun frá áherslum Vegagerðarinnar. Ég óska eftir að hv. þingmaður útskýri í hverju þær felast og hvar sú tillaga liggur fyrir.
Auk þess langar mig að velta upp spurningu: Í hverju felst samráð? Væri meira samráð falið í því að afgreiða samgönguáætlun án þess að ræða um gjaldtöku í samgöngum og bíða eftir að frumvarp verði lagt fyrir þingið og ræða það einungis þá?
