tilkynning.

Herra forseti. Ég þakka skýringar forseta en ég fæ ekki séð að þær eigi við hér. Gert er ráð fyrir því að þingflokkar geti tekið slíka ákvörðun. Það var upplýst áður en hæstv. forseti gerði hlé á fundinum að enginn slíkur fundur hefði verið haldinn. Það hlýtur að verða að skýra þessa grein með þeim hætti að það liggi fyrir ákvörðun, það hafi verið boðað til fundar og haldin fundargerð, það hafi verið fært til bókar að ákvörðun af þessu tagi hafi verið tekin ef það á að fara að beita þessari grein. Annað fær ekki staðist. Svona lagatúlkun er ekki sæmandi Alþingi.