hollustuhættir og mengunarvarnir o.fl.

Hæstv. forseti. Ég þakka hv. þm. Birgi Ármannssyni fyrir innlegg hans hér og tek undir að nefndin skoði þessi atriði. En rétt til að bregðast við varðandi gjaldtökuna þá er þar í raun verið að reyna að virkja hinar svokölluðu mengunarbótareglu, þ.e. sá aðili sem fer að einhverju leyti á svig við lögin greiði fyrir þá stjórnsýslu sem af því hlýst.

Þetta er nokkuð sem nefndin getur tekið til skoðunar í samráði við okkur í ráðuneytinu, að sjálfsögðu. Ég þakka fyrir.