meðferð krónueigna sem háðar eru sérstökum takmörkunum og gjaldeyrismál.
Virðulegur forseti. Ég þakka hv. þingmanni svarið. Þá er það hitt atriðið sem mig langaði til að fá afstöðu hans fram gagnvart, þ.e. hvort hann telji að þessi þróun mála á lokametrum plansins, sem lagt var af stað með árið 2015, hafi skaðleg áhrif á trúverðugleika ríkisstjórnar eða Alþingis hverju sinni, hvað varðar framtíðarhagsmunagæslu í stórum málum. Telur hv. þingmaður að skaðinn sem af þessum snúningi stjórnvalda hlýst sé ekki bara fjárhagslegur í þetta skipti heldur komi fram í stórum hagsmunamálum til næstu framtíðar, a.m.k. hvað varðar sambærilega samsetta ríkisstjórn og nú er við völd?