meðferð krónueigna sem háðar eru sérstökum takmörkunum og gjaldeyrismál.

Frú forseti. Ég vil þakka hv. þm. Sigmundi Davíð Gunnlaugssyni fyrir spurninguna. Af hverju menn brenna af, held ég að spurningin hafi verið. Þetta er náttúrlega taugaveiklun, það er stutta svarið, menn hafa ekki trú á sjálfum sér. Við skulum segja að það sé skásta svarið í þessu en á bak við það er auðvitað alls kyns andleg uppbygging sem þarf að eiga sér stað sem hefur þá misfarist í þjálfuninni. Menn mæta hikandi til leiksins og ekki hertir í tilgangi og ætlan sinni í leiknum, þ.e. markmiðin sem þeir ætla sér að ná í honum eru á reiki. Menn fara auðvitað í leik til að sigra, til að ná markmiðum sem þeir setja sér áður en þeir mæta. Í þessu tilviki féllu menn frá þeim. Ég held að það sé augljóst.