meðferð krónueigna sem háðar eru sérstökum takmörkunum og gjaldeyrismál.
Herra forseti. Ég tek undir þetta með hv. þingmanni. Auðvitað er það mjög æskilegt að báðar eða allar hliðar þessa máls komi fram í umræðu. Það væri farsælast fyrir málið sem slíkt, það væri farsælast fyrir báða aðila, þá sem vilja samþykkja þetta mál og þá sem hafa efasemdir — og það væri náttúrlega til að undirstrika eflingu Alþingis sem núverandi ríkisstjórn segist standa fyrir.
Þessi umræða er góð og hún verður í sjálfu sér að mínu áliti betri eftir því sem á hana líður vegna þess að við erum kannski smátt og smátt, þótt frá annarri hliðinni sé, að nálgast þann kjarna sem málið felur í sér. Það er vel.
Umræðan verður aldrei fullkomin eða góð fyrr en báðar hliðar heyrast. (Forseti hringir.) Þess vegna væri æskilegt að fjármálaráðherra kæmist að þessari umræðu með einhverjum hætti á einhverjum tíma.
