umræður og andsvör.

Hæstv. forseti. Ég ætlaði bara að koma aðeins upp til að reyna að ljúka þessari umræðu um ekki neitt. Þetta málþóf Miðflokksins var auðvitað engum af þeim sem tóku þátt í því til sóma, sem var allur Miðflokkurinn, en þetta er allt saman þekkt. Ég er ekki búinn að vera lengi á þingi, og þó, sex ár, það er þó nokkur tími, og ég hef séð þetta allt saman áður, líka þegar menn hafa verið í andsvari hver við annan, þannig að mér finnst ekki tilefni til að fara hérna upp í fundarstjórn almennt til að ræða þetta mjög lengi. Ég held að Miðflokkurinn hafi ekki grætt neitt á þessum málflutningi og öllum ræðunum nema kannski til að reyna að sýna fram á að hann væri sérstakur flokkur — sem hann er og enginn ágreiningur um. [Hlátur í þingsal.] Ég held að hann hafi alveg komið því til skila. Ég hef engan áhuga á að takmarka (Forseti hringir.) tjáningarfrelsi þingmanna Miðflokksins en held að það væri samt til bóta að takmarka það eitthvað aðeins meira en gert var.