verslun með áfengi og tóbak o.fl.

Virðulegur forseti. Já, nú eru menn sem sagt að biðja mig um resept. Það er fínt.

Þær rannsóknir sem mér er kunnugt um og hafa verið gerðar á þessu sýna — ég skal ekki segja um eitt hvítvínsglas á kvöldi versus ein vodkaflaska á viku eða einu sinni í viku — allar rannsóknir á heilsufarslegum áhrifum benda til þess að dagleg drykkja, þótt lítil sé, sé skaðlegri í heilsufarslegu tilliti en lotudrykkja. Lotudrykkjan, eins og okkur er öllum kunnugt um, hefur í félagslegu tilliti tilhneigingu til að verða miklu meira vandamál og skelfilegri. Ef maður horfir þröngt á heilsufarslega og líkamlega ávinninginn eða ekki ávinninginn, þá er betra að drekka öll rauðvínsglösin á einu kvöldi.