reglugerð um þátttöku Sjúkratrygginga vegna tannlækninga og tannréttinga.
Virðulegi forseti. Ég þakka hæstv. heilbrigðisráðherra fyrir svarið. Það er óumdeilt varðandi slíkan fæðingargalla sem það er fyrir lítið barn og þá byrði sem það ber að fæðast með skarð í góm að snemmtæk íhlutun og að unnið sé strax með barninu mun að öllum líkindum koma í veg fyrir rosalega erfiðar og stórar aðgerðir á seinni tíma í þroska þess.
Er eitthvað því til fyrirstöðu, hæstv. heilbrigðisráðherra, að bæta því einfaldlega inn í reglugerðina, taka af allan vafa, að börn sem fæðast með þennan stóra galla, skarð í góm, falli undir reglugerðina? Er eitthvað erfitt að koma því líka skýrt inn í reglugerð að taka mark á sérfræðingum, bæði innan lands sem erlendis, í þessu tilviki sérstaklega sem ég er að vísa til hér og nú, þ.e. að Sjúkratryggingar Íslands taki a.m.k. mark á því faglega mati sem þeim er rétt?