menntun, hæfni og ráðning kennara og skólastjórnenda við leikskóla, grunnskóla og framhaldsskóla.

Herra forseti. Ég vona að forseti misvirði það ekki við mig að ég sé hér að spyrja spurninganna og hv. þingmaður svari. Það á sennilega að vera á hinn veginn. En við skulum ekki fást um það. Ég geri ekki athugasemd við þessa málsmeðferð, alls ekki, en eftir sem áður stendur spurningin hvort það hefði ekki fremur verið fallið til þess að stuðla að sáttum við þá stétt kennara sem helst hefur beitt sér gegn þessu máli, framhaldsskólakennara, að fresta málinu alveg, fresta því að Alþingi samþykkti þetta frumvarp og freista þess að vinna málið áfram í sumar í samráði við hagaðila og leggja það síðan aftur fram á næsta þingi.