framkvæmd EES-samningsins.

Hæstv. forseti. Ég beið spennt eftir þeim hluta ræðunnar sem myndi fjalla um stjórnarskrármálefni. Ég kem því hingað upp í andsvar þar sem hv. þingmaður opnaði örstutt á þau. Í tillögunum eða þeim 15 úrbótapunktum sem birtast í skýrslunni er einmitt fjallað um stjórnlagaþrætur vegna EES-aðildarinnar og sagt að binda þurfi enda á þær, annaðhvort með því að viðurkenna að hún hafi áunnið sér stjórnlagasess eins og aðrar óskráðar stjórnlagareglur eða með því að skrá ákvæði um aðildina í stjórnarskrá. Þarna er bent á tvær leiðir sem þarf að kanna.

Ég veit að hv. þingmaður hefur mikið rætt um stjórnarskrármálefni og hefur ýmsar skoðanir á þeim. Hefur hv. þingmaður myndað sér afstöðu til þess hvort báðar þessar leiðir séu færar? Hvor leiðin hugnast þingmanninum betur?