framkvæmd útlendingalaga.

Herra forseti. Ég er hingað komin til að óska eftir aðstoð hæstv. forseta vegna þess að borin var fram einföld og skýr spurning þar sem óskað var eftir já- eða nei-svari frá hæstv. ráðherra. Ráðherra svaraði hins vegar ekki spurningunni, hún svaraði henni alls ekki. Það skiptir engu máli hvað hæstv. fjármálaráðherra fussar hér á bak við, spurningunni var ekki svarað. Það er bara þannig. Það var óskað eftir skýrum svörum frá hæstv. ráðherra (Forseti hringir.) og ég bið í mestu einlægni hæstv. forseta um að aðstoða svo að ráðherra svari þeim spurningum sem til hennar er beint.