fjárlög 2020.

Virðulegur forseti. Þetta er eitt af því sem er svelt og hjúkrunarheimili hafa verið svelt í fjölda ára. Hver var niðurstaðan í fjárlagafrumvarpinu? Jú, það á að setja enn eina nefnd til þess að skoða þetta, skoða hvað á að gera í þessum málum þegar búið er að sýna fram á, Samtök fyrirtækja í velferðarþjónustu eru búin að sýna fram á hvað eftir annað, að það vantar þarna pening inn. En þetta er eins og með allt hjá þessari ríkisstjórn, þeir eru búnir að finna breiðu bökin. Það eru eldri borgarar og öryrkjar og þar má alltaf skera niður og láta þá sitja eftir í fjárlögum.