fjárlög 2020.

Hæstv. forseti. Ég þakka hv. þingmanni spurninguna og andsvarið. Hv. þingmaður fór ágætlega yfir lög um opinber fjármál og þá grein sem fjallar um almenna varasjóðinn. Það er rétt. Hér er vísað í nefndaráliti meiri hlutans í almenna varasjóðinn og hvað er inni á almenna varasjóðnum á þessu ári og það er mikill munur þar á og það veit hv. þingmaður, þó að hann lesi lögin margoft er munur á þessu ári. Á þessu ári er þetta ófyrirséð, óhjákvæmilegt og tímabundið. Það er bara þannig. Við erum ekki að tala um 2020. Það stendur ekki í nefndarálitinu. Það þarf að fara rétt með. Það er mikill munur á þessu þó að við lesum lögin upp margoft. Það er ekki rétt að varasjóður málaflokksins sé tómur. Það er enginn varasjóður, það er bara val ráðherra.