breyting á ýmsum lögum um skatta.

Virðulegi forseti. Við erum með yfirmarkmið um það hversu hratt við viljum draga úr heildarlosuninni og svo brjótum við það yfirmarkmið niður í einstaka geira. Fyrir samgöngur í landinu erum við með markmið sem eru m.a. studd af þessu máli og þeim sem við höfum áður sett í lög. Eins og ég hef aðeins komið inn á í andsvörum er það áskorun fyrir stjórnvöld að gera þessa stóru kerfisbreytingu, skapa hvatana en viðhalda tekjueiginleikum kerfisins þannig að við göngum ekki of langt á tekjustofnana sem við notum m.a. til að standa undir samgöngubótum í landinu. Þetta er dálítið vandratað einstigi og nefndin sem ég minntist á áðan hefur fengið í fangið risavaxið verkefni við að (Forseti hringir.) leiða okkur áfram eftir þessari braut.