breyting á ýmsum lögum vegna fjárlaga 2020.

Herra forseti. Ég ætla ekki að lengja þessa umræðu en ég tel að mér sé skylt að gera grein fyrir breytingartillögu sem ég hef lagt fram á þskj. 660 varðandi töflu í 2. mgr. a-liðar 36. gr. frumvarpsins. Hér er í raun aðeins um tæknilega leiðréttingu að ræða vegna breytinga á tollskrá sem tekur gildi um komandi áramót en auk þess er vert að benda á að það bætist líka við eitt nýtt tollnúmer. En að öðru leyti er hér um fullkomlega tæknilega breytingartillögu að ræða.