staða, stjórn og starfshættir þjóðkirkjunnar o.fl.
Virðulegi forseti. Mig langar að leiðrétta ráðherra aðeins. Miðað við núverandi stjórnarskrá þarf ekki þjóðaratkvæðagreiðslu til að breyta heldur bara almennar kosningar. Ég vil hafa það á hreinu.
Það er verið að ræða þessarar breytingar, segir ráðherra. Ég mótmæli því líka því að það er ekki alveg hægt að skipta þessu upp með salamí-aðferð sem svo hefur verið kölluð. Undir þessu liggur viðbótarsamkomulagið þegar allt kemur til alls þannig að við verðum að tala um þessa einstöku breytingu í heildarsamhengi viðbótarsamkomulagsins sem er ansi gallað, sérstaklega þegar horft er á lög um opinber fjármál. Með tilliti til þeirra spyr ég einfaldlega: Fyrir hvað er verið að borga? Hvernig er upphæðinni skipt í eignatilfærslu, varðandi stjórnarskrána og skuldbindingu þar, varðandi fangelsin sem var verið að tala um? Við á Alþingi fáum bara eina upphæð og höfum ekki hugmynd um hvað við erum að samþykkja og það gengur ekki (Forseti hringir.) samkvæmt lögum um opinber fjármál.