staðan í stjórnmálunum í byrjun árs og verkefnin fram undan.
Virðulegi forseti. Nú eru umhverfismálin ansi stór og viðamikil og í stjórnarsáttmála ríkisstjórnarinnar er markmiðið að stofnaður verði þjóðgarður á miðhálendinu í samráði þverpólitískrar þingmannanefndar, umhverfis- og auðlindaráðuneytisins, sveitarfélaga, náttúruverndar- og útivistarsamtaka og annarra hagsmunaaðila. Í frétt RÚV kemur fram, með leyfi forseta:
„Sigurður Ingi segir að samráðið hafi verið gott en hann hafi sett ýmis skilyrði áður en samþykkt var að hálendisþjóðgarður færi í stjórnarsáttmála ríkisstjórnarinnar. Hann vill ekki svara því hvort hann styðji þjóðgarð á hálendinu …“
Spurning mín til hæstv. ráðherra er mjög einföld: Hvaða skilyrði voru þetta og af hverju getur ráðherra ekki svarað því hvort hann styðji þjóðgarð á hálendinu miðað við hvað stendur í stjórnarsáttmálanum?
