stofnun hálendisþjóðgarðs og skipulagsvald sveitarfélaga.

Forseti. Ég þakka hæstv. ráðherra svarið og ætla að túlka það sem svo að við spurningu minni sé það nei. Það er svona sem þetta þarf að vera ef hugmyndin á að ná fram.

Mig langar til að víkja að öðru. Í vikunni kynnti hæstv. forsætisráðherra endurskoðaða þingmálaskrá ríkisstjórnarinnar fram á vor og þar kemur fram að stefnan er að leggja fyrir þingið til afgreiðslu frumvarp til laga um hálendisþjóðgarð, frumvarp um Þjóðgarðastofnun og þjóðgarða og þingsályktunartillögu um verndar- og orkunýtingaráætlun, allt fyrir lok febrúar. Það er ljóst að þessi augljósi ágreiningur innan ríkisstjórnarflokkanna um hálendisþjóðgarð ríkisstjórnarinnar liggur ekki bara í forræði skipulagsmála heldur kannski ekki síst, þótt það sé minna orðað akkúrat núna, í málum sem tengjast orkunýtingu og virkjunum innan þjóðgarðanna. Með frumvarpinu um hálendisþjóðgarð verða t.d., eins og komið hefur fram og er ekki óeðlilegt, settar strangari kröfur um gerð nýrra virkjana. Í dag er 23. janúar og störukeppni ríkisstjórnarflokkanna er að hefjast.

Spurning mín til hæstv. umhverfisráðherra er einfaldlega þessi: (Forseti hringir.) Eru tillögurnar sem koma fram í endurskoðaðri þingmálaskrá um framlagningu þessara mála innan næsta mánaðar raunhæfar? (Forseti hringir.) Hvert er plan B hjá umhverfisráðherra?