150. löggjafarþing — 59. fundur, 17. feb. 2020.
persónuvernd og vinnsla persónuupplýsinga.
555. mál
Herra forseti. Ég þakka hv. þingmanni kærlega fyrir svarið. Tilgangurinn var að vekja athygli á þessu af því að við erum að vinna mörg mál þessi misserin er varða tjáningarfrelsi, vernd uppljóstrara og þess háttar og brýna fyrir hv. allsherjar- og menntamálanefnd að hafa í huga að passa að persónuverndarfulltrúi njóti sömu réttinda til að greina frá mikilvægum málum er varða almannahagsmuni o.s.frv.