raforkuverð til stóriðju.

Forseti. Ég þakka hæstv. ráðherra svörin og fagna þessum viðbrögðum en spyr þá líka, af því að mér fannst það ekki alveg koma skýrt fram, hvort ráðherra muni beita sér fyrir því á einhvern hátt. Mér heyrist ráðherrann taka undir orð forstjóra Landsvirkjunar sem er mjög gott, en mun ráðherra beita sér á einhvern hátt? Á næstu árum munu fleiri raforkusamningar sæta endurskoðun og jafnvel stofnað til einhverra nýrra og þar eru tækifæri til að auka gagnsæi á raforkumarkaði til muna með því að neita að skrifa undir samninga sem innihalda áskilnað um trúnað um raforkuverð. Ég spyr hver afstaða hæstv. ráðherra sé til þess að gera raforkuverð á Íslandi algerlega opinbert í framtíðinni og beita sér fyrir því í nútíðinni einnig.