Frestun á skriflegum svörum.

Borist hafa bréf frá eftirtöldum ráðherrum þar sem óskað er eftir fresti til að veita skrifleg svör við fyrirspurnum:

Frá fjármála- og efnahagsráðherra vegna fyrirspurna á þskj. 926, um byggingar- og rekstrarkostnað tónlistarhússins Hörpu, frá Bergþóri Ólasyni, og á þskj. 610, um auknar skuldbindingar Lífeyrissjóðs starfsmanna ríkisins vegna laga um eftirlaun forseta Íslands, ráðherra, alþingismanna og hæstaréttardómara, frá Ólafi Ísleifssyni.

Frá dómsmálaráðherra vegna fyrirspurna á þskj. 943, um stefnu í almannavarna- og öryggismálum, frá Höllu Signýju Kristjánsdóttur, og á þskj. 901, um vinnslu og miðlun upplýsinga um umdeildar skuldir, frá Ólafi Ísleifssyni.

Frá utanríkisráðherra vegna fyrirspurna á þskj. 584, um kafbátaleit, frá Andrési Inga Jónssyni; á þskj. 113, um skuldbindingu íslenska ríkisins til að réttilega innleiddar EES-gerðir hafi forgangsáhrif í íslenskum rétti, og á þskj. 124, um athugasemdir ráðuneytisins við lögfræðilegar álitsgerðir, frá Ólafi Ísleifssyni.

Loks er það bréf frá heilbrigðisráðherra vegna fyrirspurnar á þskj. 941, um flutning skimana til Landspítala, frá Bryndísi Haraldsdóttur.