vinnulag við gerð aðgerðapakka.

Virðulegi forseti. Spurt er um aðferðafræði. Nú eru óvenjulegir tímar og þingið starfar með óvenjulegum hætti og því er hvorki almenningi né þingmönnum stjórnarandstöðunnar fullkomlega ljóst hvernig ríkisstjórnin vinnur að sínum málum. Af þeim sökum vil ég spyrja hæstv. ráðherra hvernig vinnulagi er háttað við gerð þessara aðgerðapakka og hver aðferðafræði hæstv. ríkisstjórnar er. Hvernig eru þessar aðgerðir teknar saman? Hverjir eru efnahagslegir ráðgjafar ríkisstjórnarinnar og hvaða sviðsmyndagreiningar, ef einhverjar, liggja að baki aðgerðapökkum ríkisstjórnarinnar?