útlendingar og atvinnuréttindi útlendinga.

Virðulegur forseti. Mér finnst almennt afleitt þegar verið er að draga úr réttindum jaðarsettra hópa, sérstaklega ef þeir eru jafn viðkvæmir og útsettir fyrir alls konar ofbeldi og mismunun í þeim ríkjum sem við sendum þá aftur til. Þess vegna hefði auðvitað átt að taka alvarlega athugasemdirnar sem koma í umsögn frá Rauða krossi Íslands sem hið opinbera treystir til að vera talsmaður fyrir þennan hóp. Það eina sem ég get nefnt á þessum tímapunkti er að ég vona að þegar allsherjar- og menntamálanefnd fær málið til sín verði hlustað á Rauða krossinn, Flóttamannastofnun Sameinuðu þjóðanna og alla þá sérfróðu aðila sem ekki var hlustað á við gerð frumvarpsins.