forvarnir gegn kynferðislegu og kynbundnu ofbeldi og áreitni, ásamt áætlun fyrir árin 2021–2025.
Virðulegur forseti. Ég þakka fyrir svarið og er mörgu leyti sammála. En það sem ég óttast og það sem ég er að spá í er hvernig það var á sínum tíma þegar við gerðum áætlanir um forvarnir varðandi reykingar. Við bjuggum til rosagott prógramm og fylgdum því rosalega vel eftir og það skilaði árangri. Ég er að spá í varðandi árangur hvort við þurfum ekki að vera með eitthvert framtíðarplan þannig að við getum fylgt því eftir. Að koma þessu inn í skólana, inn í allt. Það er miklu betra að vera með eitthvert teymi sem sér um að koma hlutunum virkilega til skila þannig að það fari ekki á milli mála. Og auðvitað þarf líka að finna lausnir og taka sérstaklega á varðandi tölvur og margmiðlun á netinu. Það er gífurlegt erfitt að eiga við það. En það eru örugglega til lausnir á því, það er spurning að finna þær, virkja þær og fá aðila til að taka virkilega á þessu vegna þess að þetta er mál sem við eigum að setja í forgang. Ef við getum sett gífurlega peninga í ferðaávísanir og slíkt eigum við að geta sett góðan pening í þetta til að tryggja eins og við getum að komið sé í veg fyrir svona hluti. Við verðum að geta sagt að við séum að gera allt sem hægt er að gera í þeim efnum.
