húsnæðismál .

Herra forseti. Við greiðum hér atkvæði um mikilvægt mál sem mun bæta stöðu tekjulágra fyrstu kaupenda og annarra sem ekki hafa átt fasteignir í ein fimm ár og hjálpar þar með fólki sem lenti illa í hruninu. Þær breytingar sem gerðar eru á frumvarpinu eru allar til bóta. Ég vil sérstaklega fagna 20% hlut sem er skilgreindur sem framlag til húsnæðiskaupa á landsbyggðinni. Það er mikilvægt hins vegar að það komi fram að hér er ekki á ferðinni eina úrræðið í húsnæðismálum, fjarri því, en hér er stigið mikilvægt skref til að auka húsnæðisöryggi og því ber að fagna.