endurskoðun skaðabótalaga og bótasjóðir tryggingafélaganna.

Virðulegi forseti. Ég held að alger endurskoðun á skaðabótalögunum þar sem þessar tölur yrðu uppfærðar þurfi að koma í skrefum og að við tökum í skrefum öll þessi atriði sem þarf að laga. Fyrsta frumvarpið sem kom hér fram og fór ekki í gegn var fyrsta skrefið. Síðan áttu næstu skref í endurskoðuninni að fylgja, þar sem átti að taka þetta í áföngum. Hvað varðar uppgjör bótasjóðanna er það auðvitað vátryggingastarfsemi og kannski ekki á minni hendi sem dómsmálaráðherra. En ég er öll af vilja gerð að endurskoða skaðabótalögin og veit að þörf er á slíkri endurskoðun.