kynrænt sjálfræði.

Herra forseti. Þegar lög um kynrænt sjálfræði voru afgreidd á Alþingi á síðasta ári var það mál sem fjallað er um í þessu frumvarpi í raun og veru skilið eftir og ráðherra falið að leita málamiðlunar milli ólíkra sjónarmiða sem höfðu komið fram við umræður í þinginu og fyrir þingnefnd um þessi efni. Að undirbúningi frumvarpsins komu bæði fulltrúar samtaka hinsegin fólks, heilbrigðisstarfsmenn og aðrir sérfræðingar á þessum sviðum og niðurstaðan varð málamiðlun sem við erum að afgreiða óbreytta hér í dag. Þannig að það er búið að leiða saman ólík sjónarmið og finna málamiðlun og við þá málamiðlun stend ég og ég held að umræðan hér í gær endurspegli alls ekki innihald málsins eða aðdraganda þess á neinn hátt.