samvinnufélög o.fl.

Herra forseti. Þetta mál hefur verið ítarlega rætt hér og ég hef gert rækilega grein fyrir afstöðu minni. Það eru ýmsir ágallar á þessu máli en ég ætla bara að nefna eitt atriði. Það liggur fyrir í málinu lögfræðilegt álit sem beðið var um af hálfu okkar Miðflokksmanna, m.a. um mögulegan árekstur við stjórnarskrá. Í umsögn Stefáns Más Stefánssonar prófessors kemur fram að á því leiki vafi hvort frumvarpið standist eignarréttarákvæði stjórnarskrár. Af þessari ástæðu get ég ekki stutt frumvarpið.