opinber stuðningur við nýsköpun.
Virðulegi forseti. Ég þakka hv. þingmanni góða ræðu. Mér þótti athyglisverð og líkleg tilgáta hv. þingmanns að hér sé um að ræða mál sem orðið hafi til á servíettu í kaffihléi á landsfundi Sjálfstæðisflokksins. Mér þóttu líka merkilegar vangaveltur hjá hv. þingmanni um að e.t.v. sé áhugi íslenskra stjórnvalda á nýsköpun meira bundinn við ræður á tyllidögum en í raun, og e.t.v. hafi íslenskir valdamenn í fjármálalífi, þar á meðal lífeyrissjóðunum, horn í síðu nýsköpunar.
Mig langar að heyra hv. þingmann velta því fyrir sér með mér í hverra þágu þetta uppátæki er, þ.e. annarra en danskra lífeyrissjóða, sem nú þegar hafa hagnast nokkuð af þessu viðhorfi íslenskra stjórnvalda til nýsköpunar.