aðgerðir skæruliðadeildar Samherja.

Virðulegi forseti. Varðandi sjávarútveginn þá stendur hann gríðarlega vel. Það er þjóðarhagur að sjávarútveginum gangi vel, að það verði til mikil verðmæti úr auðlindinni. Það skiptir ofboðslega miklu máli. Í nýrri skýrslu sem sjávarútvegsráðherra var að gefa út kemur fram að í samanburði milli þjóða stendur Ísland fremst og sóknarfærin eru ómæld en ósótt. Auðlindaákvæðið ver þá hagsmuni að enginn getur fengið til varanlegrar eignar nýtingarrétt á sameiginlegum auðlindum. Það er skýrt. Um það hefur 1. gr. laga um stjórn fiskveiða fjallað og það er fært inn í stjórnarskrána með þeirri tillögu sem nú liggur fyrir þinginu frá forsætisráðherra. Hv. þingmaður lætur að því liggja að það verði ekki varið með öðrum hætti en þeim að kveða á um tímabundnar heimildir. En þær geta verið ótímabundnar en afturkallanlegar. Það er í raun og veru skýringin á því sem hún er að kalla eftir og það er rakið mjög vel í frumvarpinu.