Greiningar- og ráðgjafarstöð ríkisins.
Herra forseti. Við styðjum að sjálfsögðu þetta mál en ég kem hingað upp til að hvetja stjórnvöld til að fjármagna með fullnægjandi hætti þá starfsemi sem fram fer á Greiningar- og ráðgjafarstöð ríkisins þar sem nokkur hundruð börn bíða nú á biðlista sem telur um tvö ár. Tveggja ára bið eftir nauðsynlegri þjónustu fyrir börn með miklar þroskaskerðingar getur haft varanleg áhrif á líf og heilsu þeirra til frambúðar. Við verðum að gera betur þarna, herra forseti, kæri þingheimur, en að sjálfsögðu styðjum við málið.